Håfa Adai!
Si Rose Franquez Brown-yu’, familian Franquez yan Taitano Charot, ya sumåsaga-yu’ giya Bellingham, WA.
Esta dos såkkan maloffan deste sumanao-yu’ umeyak fumino’ CHamori. Hu hongge na impottånte para bai tungo’ tumaitai yan mangge’ gi fino’ CHamoru; yan kontodu para bai kuentos mas maolek gi fino’-ta. Gi klas måmi, in u’usa i Utugrafihan CHamoru para i tiningo’ yan uemeyak CHamoru.
Todo hit nu i mantaotao Guåhan, ta góf tungo’ na si Santa Marian Kamalin, i Patronen i islan-ta.
Para umatutuhon i nubenan Santa Marian Kamalin gi Nubiembre 30, 2022, gi Katridåt Dulce Nombre Di Maria Basilica giya Hågatña.
Lámeggai hit manmalago’ para ta tungo’ håfa taimanu para ta tucha I nubenan Santa Marian Kamalin yanggen taya’ iyo’-ta lepblon nubena para ta usa’.
Para guahu, kada sakan gi mes Disiembre, hu chaigi tumaitai i lepblo-ku nubenan Santa Marian Kamalin. Lao esta matitek yan sen åmko’ I lepblo-ku.
Gi klas CHamoru, guaha plano ginen i fáfa’na’guen-måmi para én latungo’ yan kumonprende i Utugrafihan CHamoru. En lie’e’ na góf riku i tinige’ nubena siha. Góf meggai na palabras mananakko’, mapot ma komprende yan kalan lachi na deletrea. Pues en ayik i mas magéftungo’ na nubenan Guma Yu’os, yan en “na’dinanche/align” yan i Utugrafihan CHamoru, especiat en na’dianache I deletrean i palabra siha.
Mapot esti na plano lao en susedi mona’ para en ketungo’ umusa’ i areklamenton i Utugrafihan.
Despues man góf magof-ham annai monhåyan i che’cho’- måmi sa siña’-ham pago’ manmanaitai yan kumonprendi mas i hemplon i nubenan i Saina-ta.
Pues malagu-yu’ pumåtte para hamyu todu i nubenan Santa Marian Kamalin. Esti na kopia monhåyan ma ‘align’ yan i Utugrafihan CHamoru.
Puedimon guaha hamyo malago’ tumucha yan tumaitai esti na nubena.
Yanggen hayi malago’ humungok ma’ tucha I nubenan Santa Marian Kamalin, sina-ha un dalalaki giya Fumesbok (Facebook) gi inetnon ‘Dulce Nombre De Maria Cathedal-Basilica’. Guaha lokkue’ giya YouTube. Matka I kalendario-mu deste Nubiembre 30 esta Disiembre 8.
Si Yu’os Ma’åse todu hamyu! Biba Santa Maria!
(dispensa-yu’ yanggen guaha ti dinanche na deletrea sa sigi’-ha yu’ ume’eyak)
