Agradesi
Hu agradesi i aire
Sa’ guiya nåna’i i hinagong-hu
Hu agradesi i tåsi
Sa’ guiya i chalan para i hinanao-hu
Hu agradesi i tinanom siha
Sa’ siha mannåna’i i brinabu-hu
Hu agradesi i tåno
Sa’ guiya i gima-hu
Agradesi mås
Hu agradesi i manmames na nengkanno’
Sa’ mannge’ para kanno’
Hu agradesi i manmala’et yan manbetde na nengkanno’
Sa’ brabu para i tataotao-hu
Hu agradesi i mandanderu
Sa’ måolekña bumaila yan i musika
Hu agradesi i manituge’
Sa’ måolek i maninige’ para i tiningo’
Hu agradesi i mangga’chong-hu
Sa’ minagof i mangga’chong
Hu agradesi i familia-hu
Sa’ guinaiya gi familia
