Tinige’ Chris Carbullido Bethea
Na’setbi esti na inetnon hinasu yan sinangan siha para i mås ta’kilu na espiritumu.
1. Onra i mås ta’kilu na espiritu ni gagaigi yan lålala’ gi hinalommu.
2. Håguha’ siña mu na’ ma’lak i ininåmu. Na’ suha hao ginen i otro ni ma fufunas i ininåmu.
3. Munnga lokui mu na’ funas i ininan otro sa ti siña muma’lak hao an un chogui eyu.
4. Bula i inayek siha gi linalå’mu. Angin manayek hao, ayek eyu i mumaya yan i hinenggemu.
5. Adahi håfa hinasosomu yan hafa un såsanngan pot hågu; mauleg pat båba, siempre un honggi hao.
6. Angin un hasu na siña hao, pat un hasu na ti siña hao, magahet hao.” Ginen i defuntu Henry Ford esti.
7. Angin ti måmauleg i sinientemu pat matompu hao gi hinanaomu, diskånsa dididi; despues kahulu ya unchagi talu. Cho’gui esti para hagu ha’. Onra hao.
8. “Angin un tunngo i mås mauleg, chogui i mås mauleg.” Ginen i defunta Maya Angelou esti.
9. Agradesi todu i bendishonmu, todu i tiempo.
10. Na’etnon i hinenggemu(sa esti i fondo-mu); i hinasosomu (sa esti fumofotma håfa humuhuyong ginen hågu); i sinangånganmu (sa esti siña mu afekta i ininåmu yan i ininan otro); yan i bidådamu (sa esti i fegge’mu gi tano).
