Estague i kanta, ni’ matuge’ para i hagå-hu
Bahi hu påtte i palabra siha guini:
Åntes di para un mali’e’
Hunggan, Hågu neni
Hu esta tungo’ na håfa bai hu cho’gue
Ni ngai’an para un mana’puti
Sa’ bai hu protetehi i minagof-mu
ginen todu i pininiti
Ai neni munga maleffa
na gaige yo’ gi fi’on-mu
maseha håfa i bidadå-mu
Ni ngai’an bei maleffa
ni finatto-mu
sa’ ayu na ha’åni gaige gi korason-hu
Ya bai hu popoksi hao
nu i tinemtom ginen i taotao
nu i pumoksai yo’ desde nai dikike’ yo’
Hunggan, guaha bula guinaiya
yan karidát gi familia-ta
Kada diha hu agradedesi siha
Ai neni munga maleffa
ni tatå-mu
sa’ guahu iyo-mu para todu i tiempo
Ni ngai’an bei maleffa
ni finatto-mu
sa’ eyugi i tutuhon i lina’lå’-mu gi hilo’ tåno’
Ayu ha’
Hu diseseha mohon na i hagå-hu para u ekungok este na kantå-hu anggen triste gue’ pat mahålang pat lalålo’ pat magof lokkue’.
Hu guaiya hao si Guinaiya!
