(Every week or so (ideally) the Guam Museum will be sharing something in the CHamoru language about our history, culture and folklore. This week we’ll share a chant performed by Pa’a Taotao Tåno’, known today as PIPIT.)
Fanachu mañe’lu-hu, ya ta setbe i taotao-ta,
i man ma’pos, i pa’go yan i manmamaila
Na’metgot i, anitin-miyu,
sa’ tinulaikan tiempo, gi tano’-ta
Mungnga maleffa, ni’ minaså’pet,
i sinenten ta chule’, i fue’tsan animo
i dinanña’-ta, na’ta fanachu,
i yumulong-ta, na siempre hit mambasnak
Hasso famagu’on, kinalamten i taotao-ta,
put sigi mo’na, para todu i tiempo
Hasso i chi’up ha’åni,
sa’ chumilong, yan i pupuengi.
