På’go na ogga’an, annai matto yu’ gi che’cho-hu, manhungok yu’ estudiante, ilek-na, “Dispensa yu’ señora. Kao un ayuda i nana-hu pot fabot? Matai i kareta-ña”.

Ai, esta atrasao yu’ lao malago’ yu umayuda.

Pues, ilek-hu, “Oh hungan. Kao guaha jumper cables?”

Ilek-ña, “Hunggan, guaha jumper cables-ham.”

Pues, hu sugon i kareta-hu para fi’on-ñiha ya ha po’lu i jumper cable gi i baterian kareta-hu. Lao, ai adai, taya. Pues, in li’e’ na guaha asut na powder gi sanhilo i baterian-hu. Chagi ham gumasgas i bateria, pues konsigi chumagi, lao ti sina ha na’la’la i karetan-ñiha.

Bumasta gue chumagi, pues ilek-ña si nana-ña, “Si yu’us ma’ase ni inayuda-mu, lao bai hu agang i ga’chong-hu”. Ai adai.

Ai mohon, puedi maolek siha.

Despues di che’cho-hu, hu konne i haga-hu para i tendan Walmart yan annai manunugon yu’, hu sangani gue’ ni i ekspiriensa-ku gi egga’an.

Ya ha tågo’ yu, ” Debidi un na’arekla i kareta-mu! Debidi un na’priority umarekla i kareta-mu sa’ un nessisita i kareta para humanao gi che’cho, yan para un konne yu’ nu eskuela”.

Ilek-hu, “Kalang nana-hu hao”.

Ilek-ña, “Kalang hoben hao!”

Ai adai, chumalek ham sa’ dinanche’ gue.

Pues, humanao yu’ para i sagan oil change gi bandan Walmart.

Humuyong i fa’fa’cho’cho’ ya ilek-ña, “Ginen Guahan hao?”

Ilek-hu, “Hunggan! Ya hagu?”

Ilek-ña, “Hunggan. Desde 2000 na sakkan. Quintanilla yu’. Meggai ManCHamoru guini gi Spanaway.”

Hunggan, magahet enao. Guaha meggai ManCHamoru guini!

Pues, guiya yan i atungo-ña ma atani i baterian kareta-hu. Lao, ai, ti sina in puha i misterio!

Pues, hu sangani siha, “Maolek ha’. Si Yu’us ma’åse nu hamyo. Bai hu faisen i tata-hu.”

Annai mumatto yu gi gima, hu agang i tata-hu gi Whatsapp.

Finaisen yu’ as tata-hu, “Kao siña un na’la’la i kareta-mu?”

Hu oppe, “Hunggan.”

Pues, ilek-na, “Pues, maolek ha. Mamahan jumper cables ya po’lu kareta-mu”.

Ai adai!

Yanggen hu puha i misterio, bai umupdate hamyo guini!

Lao, pa’go, tayayuti’ ham’ fan yan lokkue i estudiante yan i nana-ña nu fansasafu ham gi chalan!

Siempre siha manpulalani ham si Yu’os yan todu mañaina-ham lokkue!

Related Posts

One thought on “I Baterian Kareta na Misterio

  1. Biba Jaynina put un ke ayuda I los prohimus! Lo atan si Yu’us bidaña…ha na fañoda Hao otru na Chamoru guenao gi lugåt miyu. Siguru taya problemaña I bateriåmu lo…sina mas metgut I karetan niha? Lo osgi si tatahu! Na’ siguru na guaha “jumper cable” gi karetåmu!

Leave a Reply

Your email address will not be published. Required fields are marked *