Malago’ hu para bai hu sangan un estoria ni hu taitai ginen i tinige Pale Eric Forbes. Na’chalek este na estoria.
Gi antes na tiempo, gi ano 1935, este ma’estran Americana humalom gi kuatton eskuela gi primet ha’anin eskuela. Ha sangani todu i estudiante siha na taya sina kumentos gi fino’ CHamoru. “Ni un poco na fino CHamoru sina un sangan. Para puru ha fino’ Engles. Munga man fino’ CHamoru.”
Todu i famagu’on mayengyong i iluniha na ma kumprendi i ma’estra. Pues i ma’estra ha atan este un estudiante ya ha faisen gi fino’ Engles, “Hayi na’an mu?” I lahi ha oppe i ma’estra, “Second Erased Landless.” Pues manman i ma’estra ya ilek-na, “Second Erased Landless.” Ha faisen gi Engles, “Hafa na klasen na’an enao?” Ilek’na i lahi gi fino Engles, “Na’an hu si Segundo Mafnas Taitano lao lekmu munga man fino’ CHamoru!”
