Estague i palabran huego, i na’an-ña Wordle Chamoru.
Hu hasso na gof ya-ña i familia-hu na huego lao gi fino’ Ingles. Hu faisen is subbrino-hu, kao malago na un chagi fa’tinas i Wordle gi fino’ Chamoru? Ilek-ña, hunggan, siña bai ha chagi fa’tinas.
Bai hu fa’nu’i hao tai manu hugåndo i Wordle Chamoru.
- Dinanche i palabra ginen sais na biahi?
- Guaha singko na letra gi i palabra.
- Kada palabra na un chagi debidi riåt na palabra.
- I glota parehu yan i letra.
- Despues na biahi na un chagi un palabra, i Wordle Chamoru para na’i kulot kada letra ginen i palabra-mu.
- Kada kulot guaha na ayuda.
- Betde – dinanche i letra yan dinanche i lugat-ña ginen i dinanche na palabra.
- Amariyu – guaha i letra ginen i dinanche na palabra, lao ti dinanche i lugat-ña.
- Apu – taya letra ginen i dinanche na palabra.
Gof dångkolo na Si Yu’os Ma’ase para si Victor San Gil. Guiya ha fa’tinas i Wordle Chamoru.
Maguf yu mu li’i esti na uegu guini! Gof yahu lokui esti na uegu gi finu englis!
Cant wait to play and i hope that it is more fun then it looks
Sen mauleg! Yahu esti na uegu gi fino Englis. Bai hu chagi lao kalan mapot. Biba!
Biba sa hu tungu dos na palabras ni man saonao gi chamowordle🙇🏻♀️ Mitbetas na palabras hu chagi lo kada birada ilekña i uegu “not a valid word”…na sangan mohon …”ti sumaonao enao na palabra”👵🏼 Para hu a’luk na ti put ti dinanchi na palabra lo pudi taigui gi bokabulariun i uegu!