Estague’ un nuebu na kånta para i asagua-hu.
Un tulaika i lina’lå’-hu
Mafañågu hit giya Guahan
Lao mapoksai hao giya Marshall Islands
Ayu i tano’-mu
Umasodda’ hit giya Mangilao
Lao ti siña hu hasso ayu na tiempo
sa’ gof hoben yu’
Ai gof hoben yu’
Lao kada hu li’e’ hao gi inetnon
i karinosa-mu ha na’bongbong i korason-hu
Lao ti un tungo’ na manguaiya yu’ nu hågu
Ai, ai neni, ai palao’an
Un tulaika i lina’lå’-hu
Ai, ai neni, ai palao’an
Un na’ma’lak i lina’lå’-hu
Sa’ un puengi gi halom i gimå’-hu
Machuda i siniente-ku put hågu
Kalan ginen As Yu’os
Pues, hu osge si Asaina-hu
Ya hu faisen hao
Kao malago’ hao na ta asagua?
ilek-mu, “hunggan”
Ai, ai neni, ai palao’an
Un tulaika i lina’lå’-hu
Ai, ai neni, ai palao’an
Un na’ma’lak i lina’lå’-hu
Pues, mana’danña hit gi guinaiya-ta
Ya esta guaha un hagå-ta
Ya bula guinaiya para guiya
Ai, ai neni, ai palao’an
Un tulaika i lina’lå’-hu
Estague’ i link para i bideo gi YouTube: https://www.youtube.com/watch?v=PU99m94mnG4
Gof bonito na kanta para i asagua-ña!