Biba Mes Chamoru!
Ma’pos na sakkan, gi Mes Chamoru, i hagå-hu ha fa’tinas nengkanno’ Chamoru kada diha.
Mina’ochu na nengkanno’ hu fa’tinas i rosketi.
Hu hasso i rosketi anggen dumådangkolo yu’. Guaha roskei gi lamasan fina’mames gi fiesta yan gi matai. Lao siempre guaha kafe gi fi’on i rosketi sa’ anglo’ i rosketi.
Hu hasso i rosketi anggen patgon yu’ lao ti hu hasso i nana-hu fa’titinas i rosketi. Buente hu kanno’ i rosketi anggen gaige yu’ gi fiesta yan buente gi lisayu pot guaha gi i silibrasion. Lao hu hasso na ti gof mames yan gof anglo’, pues ti gof ya-hu anggen patgon yu’. Lao pago, ya-hu i rosketi, sa’ anggen kanno’ yu’ hu hasso i tiempo na patgon yu’.
I hagå-hu ha fa’tinas i rosketi para i Mes Chamoru. Ha u’sa i recipen biha-ña. Gof mannge’ este na rosketi yan gof ya-hu anggen ma dokngos didide.
