Buenas noches! Mañelu-hu Chamorros guenao huyong ni manekungok.
Na’an-hu si Diego Mafnas Hammett.
Taotao Talafofo yu’.
Eyu na mafañågu.
Eyu na dumångkolo.
Humalum yu’ gi militat giya Okalohma gi mit nobenta sientos sisenta siete na sakkan.
Lao hu cho’gue gi militåt bente sais años i media.
Na kuatro biahi di gumera Vietnam. Pues Panama, eyu utimo na fuetsan na gera na sumaonao yan ma ritiráo yu’ giya Fort ord California
1st Sargent yu’. 1st Sargent yu’ gi militåt anggen hu ma ritiráo yu’.
Bei hu kantayi hamyo pa’go este i Amazing Grace, i Grasian Yu’us gi fino’ Chamorro.
Para todus hamyo ni manmilitåt, mansetbisio, manla’la’la yan esta manma’pos ha dingu hit gi tano.
Pues hamyu todus na agredesi na espisat na kanta para todus hamyo, manbetiranu guenao huyong, mañelu-hu, manprimu, manprima!
Biba Chamorro!
Biba Taotao Guam!
Biba Marianas!
Si yu’os ma’ase para ayu na kanta yan estoria. Hu guiaya annai estoria este tuge na yan guaha audio para estoria lokkue. Este manayuda yu e’eyak i lengguahi-ta.