Pagu na haåni anai esta para bai hu malitira gi chechu, hu atan huyung gi bintånåhu ya hu li’i esti un buninitu na lahi! I liga ha sumipåpåra ham… lo gof bunitu i chininåña ya nina gof magodai yu! Malagu yu humanao huyung ya bai toktuk dururururu! Lo u hasuyi dididi i tentasion… man gaigi i mangachongu siga ginen GW gi telefon ya taya nisisida di bai attendi otru mentras ma kuentutusi yu. Anai man munayan ham manguentus… humalum yu gi kareta para bai hanao para i gimahu. Lo hu li’i talu eyi gof dangkulu yan gof asentadu na lahi.
Ko guaha na in hinguk eyi kanta “Ai Ya Guahu mohon i Ga’mu Teddy Bear? Yahu muna a’gang i dandan gi halum guma… pues guahu ha na maisa hu gogosa i dandan ya sigi yu bumaila maski atmariao😁💃🏼💃🏼💃🏼!
Esti na lahi tot tiempo hana hahasu yu nu eyu na kanta. Kada hu li’i esti i ga’u gi kantun chalan pat mu å’åsun gi riyan i offisinåhu… ilekku guata giya guiya… 🎶 Ai ya hagu mohon 🎶 i ga’u Teddy Bear!
