Ya-hu hugando golf.
Hugagando golf bente kuatro na años.
Hu tutuhon gumolf anggen hu egga’ si Tiger Woods gi telebikbik gi 1997.
Ti gof maolek yu’ gi golf, lao anggen si Tiger, kulan gof paire este na huego.
Gi 1999 na Krismas, ha na’i yu’ i asgua-hu regalu para eyak golf.
Enao na tutuhon hu guaiya golf.
Pago na tiempo’ hu e’eyak i fino’ Chamoru, hu hahasso taimanu kumentos yu’ golf?
Meggai na biahi gumolf yu’ yan i ManChamoru siha. Hu hungok i fino’-ta anggen mangogolf ham. Lao hu hasso’ tatte na taya fino’ golf. Pues un biahi, ti åpman tatte’ hugando golf yan i manla’amko’. Manfifino’ Chamoru yan fino’ Ingles, lao guaha na biahi anggen lachi na ma panak i bola’ ha sangan, “amanu humanao i bola-hu?” Pues ilek-ña i otro, “Ha ipos i agaga’ na tees.”
Enao na tiempo, kulan kumati yu’ sa’ siña u’sa i fino’ Chamoru yan i golf.
Pues hu hasso guaha meggai na palabra siha gi fino’-ta na siña u’sa anggen gumolf yu’.
Siña hu eyak i fino’-ta anggen gumagolf yu’. Malago yu’ fa’tinas diksionårion golf para hayi malago u’sa i fino’-ta anggen gumolf.
Estague didide na palabra siha na siña u’sa gi golf.
I fine’ne’na na chogue gi golf, buente i panak i bola. Un biahi hu sangan “paki i bola.” Ha chalek i manamko’ na gaige gi fi’on-hu. Pues ha sangan, “panak.” “Panak i bola.”
Pues i dos na fine’ne’na na palabra na ti makkat, bola yan panak.
Hu chagi hasso taimanu sangan “golf club.” Hafa na palabra gi fino’-ta na siña u’sa para “golf club?”
Bai hu faisen i manamko’ na gumolf siha.
Lao meggai otro na palabra siña u’sa.
Bola
Panak
Chå’guan
Bandera
Maddok
Tåsa
Chago’
Hålom tano
Unai
Tunas
Agapa’
Akague
Upos, (munga maleffa i vowel harmony; ipos, inipos)
Månglo’
Uchan
Ogga’an
Hanom
Chaddek
Despåsiu
Sigi
Para
Meggai na palabra siña u’sa. Lao este na palabra sina u’u’sa pago.
Bira tatte yan bisita ham talo. Bai hu fa’tinas otro na palabra siha na siña un u’sa para golf.
