(Every week or so the Guam Museum will be sharing something in the CHamoru language about our history, culture and folklore. This week we’ll be sharing some lesser known legends about the White Lady from Guam.)
Giya Guåhan på’go guaha uno na lihende put i apå’ka na palao’an i mås matungo’, ayu i palao’an ginen i saddok giya Ma’ina.
Lao gi minagåhet, guaha meggai na estoria put famalao’an taiguihi, ginen difirentes na songsong yan lugåt giya Guåhan.
Put hemplo, i apå’ka na palao’an siña i pusision-ña kulang taotao ha’, lao siña kulang na’ma’a’ñao lokkue’.
Siña kulang gå’ga’ pat siña lamita gå’ga’ yan lamita taotao.
Siña lokkue’ este na palao’an ha tulaika i pusision-ña.
Fihu binalulutan gaputulu este na palao’an desde i ilu-ña asta i patås-ña.
Sesso i ga’ga’ na lamitå-ña kulang ga’lågu.
I apå’ka na palao’an, enao ha’ siña ma li’e’ durånten anai esta homhom asta gefpainge.
Siña este na apå’ka na palao’an dumesnek desde un ora i machom åtdao pues malingu yanggen sinahi i pilan.
Fuera di i tellai giya Ma’ina, guuaha tres otro na lugåt na siña uma’annok este na palao’an, gi Harmon Heights, gi Puntan Dos Amåntes yan i Tellai Españot.
Ti ya-ña i apå’ka na palao’an i famalao’an yan i famagu’on guini giya Guåhan.
Yanggen umasodda’ hamyo ya pinacha hao siempre guaha måtkan agaga’ gi tahtaotao-mu.
Kada minuto siña ha’ un hungok na’ma’å’ñao buruka ginen guiya.
Uno siña umespånta i apå’ka na palao’an, i kilu’os Yu’os.
Pues adahi hao!
Fañåga gi gima’-miyu gi entalo’ i oran lemlem taotao yan gofpaingi.
