Numiru #173, #35, yan #36 ginen Tano’ PokémonHåfa adai todos hamyo’! Si Profesot Pugua’ yu’, ya’ i guinifi’-hu na’tuge i lepblo pot todu Pokémon siha gi fino’ Chamorro.
Ginen i otro… OTRO na simana, hu tuge’ pot i leyendario na Paluma siha. Lokkue’, ma bisita yo’ i familia-ku para i sen enkantao na dia – i Kinilis! Ya-hu i kinilis, sa’ meggai na Pokémon siha mangkalamten annal kalamten i Pilan.
Ei? Annai hu li’e’ i kinilis gi langet, lokkue’ hu li’e’ tres na Pokemon yan kulot rosa siha. I fotma siha kalan estreyas, yan hu hasso’ ginen eskuela-hu i estoria pot “fei” siha (fairies), yan i tres kalan fei siha…
Biba! Lokkue’, senmagoddai todu i familia este! Hu sodda’ i tres ginen i familia este! Para bai hu tuge’ gi lepblo-ku i familian Pokemon siha:
- Pifei (g.f.Ing. Cleffa, ginen Hapon “Pi” yan “fey” g.f.Ing)
Linekka’: 0.3 m
Kilo: 3.0 kg
Klasen Unu: Fei (Fairy)
Abilidåt Unu: Magoddai (Cute Charm)
Abilidåt Dos: Difensa Enkantao (Magic Guard)
Abilidåt Sekreto: Difensa Atungo’ (Friend Guard)
Sa’ i estrañu na fotma, kalan estreya na fotma, meggai na manaotao ma hongge’ mafañagu’-ña ginen i mitiot (meteor). Annai meggai na mitiot siha na’ina i puenen langet, siña un sodda’ i Pokemon este. Gi puengi yan bula mapoddong estreyas siha (shooting stars), siña un li’e’ Pifei mambabaila’ gi aniyu na fotmasion. Ma babaila gi puengi yan basta annai un na’ina i atdao gi ha’ani, ke Pokemon siha mano’o i chi’ok chaguan. Gi tahdong na puengi mana’ina yan mapoddong estreyas, ha atan para i langet, kalan un hahasso’ pot i gima’ ginen i langet. Annai mapoddong estreyas siha gi puengi, Meggai Pifei siha mambabaila kalan magahet siha manabatat (avatars) ni estreyas siha.
- Feifetu (g.f.Ing. Clefairy, ginen “fey” yan “fetu” (estreyas g.f.Samoa))
Linekka’: 1.0 m
Kilo: 7.5 kg
Klasen Unu: Fei
Abilidåt Unu: Magoddai (Cute Charm)
Abilidåt Dos: Difensa Enkantao (Magic Guard)
Abilidåt Sekreto: Difensa Atungo’ (Friend Guard)
Kalan enkantao yan magoddai gue, lokkue’ meggai na manaotao sen yan-ñiha i Pokemon este. Sen hassan gue’ yan siña un sodda’ gue’ gi espesiat na lugat siha. Sa gof kinuti siha. Sa’ magoddai siha, malago’-ñiha i manaotao para i ga’-ñiha. Ha chopchop i pilan ina gi pappa-ña, yan siña un li’e ma’ya gue’ gi entalo’ na aire. Lao hassan gue’, ti hassan siha annai gi puengi yan bula ina i pilan. Kada puengi yan bula ina i pilan, inetnon siha yan Pokemon este manhugagando’ siha. Annai un li’i i ina ginen i ha’ani, i yayas na Pokemon siha manfalak i bokkongo’ gi sabana yan manmaigo’ yan achonchon siha. Ha gupu gi aire ginen i dos na pappa-ña sa’ chopchop i pilan ina. Hun “”para un sodda’ minagof annai un li’e i Feifetu siha mambabaila gi sanpappa’ pilan ina as bula ina i pilan. Siña un sodda gi sabana annai bula ina i pilan . I binabaila yan dinikike’, figan ina na pappa-ña kalan fei (fairy-like) gue’.
- Feifetu’ina (g.f.Ing. Clefable, ginen “Fei” yan “fetu” yan “ina”)
Linekka’: 1.3 m
Libra (SI): 40.0 kg
Klasen Unu: Fei
Abilidåt Unu: Magoddai (Cute Charm)
Abilidåt Dos: Difensa Enkantao (Magic Guard)
Abilidåt Sekreto: Despribinidu (Unaware)
Mina’å’ñao i fei na Pokemon este, yan i rason para hassan gue. Para un falak yan suhayi annai un siente otro na manaotao. Ma’atok mamprotektot siha pot tano-ñiha. Kalan fei gue’, hassan lokkue’ ya ti meggai manaotao mali’e’ gue’. I dos na talanga’-ña sen sentidu, ke ti ya-ña a’gang yan inetnon yan bula manaotao guatu. Lao, siña un usa i dos na talanga’-ña para hungok i mas silensio na sonida siha ginen lugat siha. Mamokkat si Feifetu’ina yan ta’yok kalan un gupu gi aire yan dos i pappa-ña. Siña un mamokkat gi hanom, saddok, yan tasi!. Sesso’ mamokkat gue’ gi tasi annai silensio na puengi yan bula ina i pilan. Ma alok gi senklaru, silensio na puengi siha, un hungok para i bos siha ginen i familia-ña mañasaga’ gi tano Pulan.
Adios! Para bai hu sodda’ otro na Pokémon siha, yan pon usa i sakman-hu!
