Guaha nuebu na guinaiyå-ku. I grupun lalåhi, Mirror.
Este un inetnon ginen iya Hongkong yan mangånganta siha gi Fino’ Guang dongwa (Cantonese).
Fine’nina hu hungok put siha gi Youtube.
Hu e’ekungok dåndan ya pues ma rekommenda un playlist “2022 Cantopop Hongkong Hit Songs”.
Hu ekungok yan insigidas gof ya-hu i dandan-ñiha.
Guaha dosse na membrun Mirror: si Jeremy Lee, si Stanley Yau, si Frankie Chan, si Keung To, si Ian Chan, si Tiger Yau, si Jer Lau, si Alton Wong, si Edan Lui, si Anson Kong, si Lokman Yeung, yan si Anson Lo.
Ma fatinas i inetnon ginen un “reality talent show” i na’ån-ña King Maker.
Hu tutuhon ume’egga’ iyo-ñiha Youtube channel si Jeremy yan Stanley sa’ siha i mas ya-hu entre todu.
Lao anai esta hokkok i bideo siha guihi hu egga’ iyo-niha reality show Mirror Go yan Mirror +.
Mappot umegga’ sa’ gi Fino’ Guang dongwa todu i episodes.
Siña hu komprende didide ha’ pues debi di hu gof egga’ anggen malago’ yu’ kumomprende.
