Hafa masusede anggen mambisita Guahan si Kepuha un diha ha’?
Hafa i hinasso-ña si Kepuha anggen mambisita Guahan pago na tiempo?
I tiempon egga’an na tutuhon i bisitan Kepuha giya Hagatna.
Hafa i finenena na manman gui’? I kareta pot i batkon aire?
Lumi’e gui’ i taotao siha gi uriyan-ña pot i dangkulo i gima siha.
Siempre guaha finaisen siha para si Kepuha.
Lao hu hahasso lokkue i finenena na taotao siha na ha atungo’, kao po ma agani i polisia osino ma kasi sa’ ti mau’u’sa magagu si Kepuha?
Hongang i taotao siha si Kepuha.
Ha fatoigue i taotao tano giya Guahan si Kepuha.
Manu para tutuhon si Kepuha?
Annok si Kepuha gi bandan i imåhen-ña giya Hagåtña.
Hayi saludu yan fatpai yan fa’atungo’ si Kepuha?
Hafa bai hu faisen gui’?
Hafa hinasson-ña anggen lumi’e’ Guahan yan kumentos yan i taotao siha?
I finenena na finaisen-hu para guiya, kao ñalang hao?
Manu bai hu kineni? Chotde yan McDonalds?
Kao inafa’maolek i taotao siha yan mana’i gui’ sandwich osino guaha taotao na ma konne’ gui’ para i tendan Chotde?
Hayi finenena bai ma kuentusi yan si Kepuha? I Maga’hagan Guahan pot Pale’ Eric Forbes?
Hu hahasso lokkue si Rosa Paloma, Dr. Robert Underwood, Peter Onedera yan si Dr. Miget Lujan Bevacqua.
Lao buente bai hu faisen i famaguon Hurao Academy yan si Sumahi yan Akli’e Bevacqua, kao siña kuentusi yan si Kepuha.
Sa’ i famaguon i tiempon mo’na para i fino’-ta.
Lao håyi taotao Guahan pago? Ti parehu anggen i tiempon si Kepuha.
Anggen siña ma’li’e si Kepuha gi uriyan-ña, i taotao siha na malolofan gi halom kareta siha, buente ma’li’e gui’ i taotao Guahan.
Anggen tutuhon mamomokkat si Kepuha ginen i bandan i imåhen-ña giya Hagåtña para Chotde hafa po ma’li’e gui’?
Finenena bumisita i sengsong Chamorro.
Hafa guaha ginen i sengsong Chamorro gi taftaf gi egga’an?
Siempre ha li’e’ dangkulo na sangan macho’cho’ siha, kareta siha yan taotao siha.
Kao mahasso’ i sengsong Hågatña?
Siempre ha ekungok i sumusugun na kareta siha, i kumementos i fino’ Engles i taotao siha yan i musika modena siha.
Kao ha hungok i fino’ Chamorro?
Siempre ha ali’e’ ManChamorro, ManFilipino, ManChapones, ManKorean, yan ManKalorinas.
Kao ha tingo’ i mañaotao-ña?
