Put fin tumotohge si Maria gi fi’on-ña si Jose, gi me’nan i pale’ yan i ata i gima’Yu’os.
Uma’a’atan i dos. Chumålek si Jose.
Muñangon gui’, “Sen bonita hao palao’an, magogof yu’ na iyo-mu yu’. Achabonito hamyo yan este na ha’åni.”
Chumålek lokkue’ si Maria. Ai gof bonito este na nobio-ña.
Kumuekuentos i pale’, lao ti mismo ha atetende i pinagåt-ña.
Todu i chinathinasso-ña gotpe malingu kada ha atan i matå-ña este na boniton låhi.
Hunggan guaha estråña put i familia-ña buente, lao ha tungo’ i korason-ña si Jose ya ti taiguihi gui’.
Gi este na momento sen su’åbi i bos-ña si Mapapa. Håfa i mismo tiningo’-ña un taotaomo’na put guinaiya para i manlå’la’la’ ha’?
Siempre tåya’ chathiniyong para este na kasamiento yan este na guinaiya.
Pues ha huchom i matå-ña ya ti ha baba siha ta’lo esta ki esta umasagua i dos.
