Estiha’ I Finaisenhu Put Hågu

Buenas hamyo todu.  Guahu si Siñora Chris Carbullido Bethea, ginen i familian “Ko yan Enestina Katbuyido,” giya Hågat, Guåhan.

Hu appåtti esti na cho’cho’hu yan hamyu todu.  

Hu li’i i dimimoria, “Phantom of the Opera” ya sen yahu un mamis na kånta ginen esti na dimimoria. I nå’an i kånta, “All I Ask of You;” gi fino’ta, “Estiha’ I Finaisenhu Put Hågu.”

Hu pula’ i palåbra siha ginen esti na kånta.  Patcha i “gåndu” na batunis para un hungok i musika (sin palabra) mentras un tataitai esti i pinilahu.  Angin malagu hao humunguk i kanta gi finu’ Englis, put fabot chåchak yan pega i na’ånña gi Google.

Hu honggi na guaha taotaota, na siña siha mangånta nu esti na klåsin musika, “Opera,” ya siña lokkui ma rikord gi i fino’ta. Hu pega esti huyong gi i unbetso!

Estagui i palabran i kånta gi i fino’ta…

“Estiha’ I Finaisenhu Put Hågu.”

(I Lahi Tumutuhon i Kånta:)

“Na påra i sinangan put i hemhom – – para håfa esti na susto siha?  Estagui’ yu. Nihåyi siña muna’ puti hao.  I siningånhu, siña ha håtmi ya ha na’trangkilu hao.  Na’ guahu i libetåtmu. Sedi i manana, na ha na’ångglo i lago’mu.   Gaigiyu guini yan hågu.  Gi fihonmu, bei adahi hao yan bei giha hao.”

(Ine’pi’ ni i Palao’an🙂

“Sangån…na unguaiya yu tudot dia, kåda i makmåmåta na momento siha.  Bira i iluhu ni a’dingan put i tiempon somnak.  Sangån…na un nisesitayu yan hågu, pågu’ yan tot tiempo.   Prometiyu na todu i sinangånmu manmagåhet.   Estiha’ i finaisenhu put hågu.”

(I Lahi:)

“Na’ guåhu i gimå’mu.  Na’ guåhu i kandetmu.   Såfu hao.  Nihåyi siña sumodda’ hao.  I kobåtde’mu siha…esta manchågugu tatti’ nu hågu.”

(I Palao’an:)

“Esti ha’ malagohu, i libitåthu, untåno sin puengi, yan hågu gi fihonhu, para un gotti ya un a’tok yu.”

(I Lahi:)

“Pues sångan na para un apåtte’ yan guao – – unguinaiya, unlinala.  Sediyu ya bei konni hao ginen i mina’hålang na linalå’mu.  Sångan na un nisesita na gaigiyu yan hågu, guini gi fihon mu.  Maseha månu hinanaomu, na’ hånaoyu yan hagu lokkui.  Estiha’ i finaisenhu put hågu.”

(I Palao’an:)

“Sångan na para un apåtte’ yu…unguinaiya, unlinala.  Sångan i palåbra, ya bei hu tattiyi hao.  Apåtte yan guåhu – – kåda dia, kåda puengi, kåda ogga’an.  Sångan…na un guaiya yu.”

(I Lahi:)

“Un tunngo ha’ na konfotmi yu.”

(Pues dumaña i dos para ma na’funåyan i kånta:)

“Guaiya yu.  Estiha’ i finaisenhu put hågu.

Maseha månu hinanaomu, na’ hånaoyu yan hågu lokkui.  Guaiya yu.  Estiha’ i finaisenhu put hågu.”