Annai humålom si Maria gi gima’Yu’os, manlistoto todu fuera di guiya.
Manggaige kana’ todu i familia-ña, manmasohsohmok gi i bangko. Manmamagof i matan-ñiha nu guiya.
Ha li’e’ gi me’nan i atta, nai gaige i pale’, ya gi fi’on-ña i bonito na nobio-ña.
Chumåchalek gui’ ya måtto di sen asentådu gi saku-ña.
Gof malago’ gui’ fumalagu’i gui’. Lao ti siña fumo’na, sa’ ti siña maleffa gui’ nu i sinangån-ña i taotaomo’na.
Ai, lao gi minagahet, ginen i fondon i korason-ña, hagas ha nanangga este na momento.
Hagas umatungo’ i dos, ya desde hagas na hinassosso-ña si Maria na bonito este na låhi.
Annai hobenña ki sottera, esta ha nå’i gui’ ni’ korason-ña.
Gof danderu si Jose. Gof maolek dumåndan gitåla, maolek kumånta.
Desde i pinatgon-ña lokkue’, guaha na biahi na tumotohge gi halom i batkadan taotao para un gupot pat fiesta, ya ha kantåyi i manggaige ni’ kantan Chamorrita.
Deside ayu na idåt esta gof maolek gui’ manayotte kånta yan otro taotao.
Fihu annai si Maria ha hungok i kantå-ña, mandiseha gui’ gi sanhalom-ña na un diha pau kinantåyi mohon as Jose.
Ya un diha annai tresse åños i dos, mumågahet ayu na guinife.
Ha hasso tåtte ayu na ha’åni, annai pumokkat gui’ mo’na.
