Ti siña hu hongge na esta 10 meses si Makåhna! Kalang kao mañågu yu’ nigap? Ti åpmam esta uno ånos gui’! Debi di in planeha i ha’ånen mafañågu-ña ya manayek suhetu put i giput. Lao para på’go malago’ yu’ na bai hu apåtte hamyo iyo-ña impottånte na momento siha (milestones) si Makåhna.
Kuatro meses i idåt-ña: Mahåhatsa i ilu-ña, manggu’gu’ot random na kosas yan i kannai-ña, mampålaklakpak ya sigi’ ha’ ilelek-ña “mamamama” an kumakåti gui’.
Sais meses idåt-ña – Ha lalacha’ gi tiyan-ña
Sais meses: I fine’nena na biåhi ni’ mañagi gui’ na’neni.
Siette meses: Kumananaf gui’
Ocho meses: Humuyong i finene’na na nifen-ña
Nuebe meses, i etmas na mes para si Makåhna sa’ ha cho’gue meggai: Ha ayuyu’os “hafa adai/adios,” baba/huchom i kannai-ña, mamfanu’nu’i gui’ para otro taotao håfa gi kannai-ña, manhohokka’ yan i pointer finger yan damå’gas, Ha u’usa i finiho’ “Dada,” “Lala “(para i nanan-bihå-ña), ya “Ai Adai!” Gi minagåhet, ha u’usa i singångan “ai adai” todu tiempo! Mås kinu todu otro na palåbra siha. Manggo’go’te gui’ kosas para u na’håtsa ya na’tunas maisa gui’, ya alasuttimo tumotohge gui’ mientras manggu’gu’ot.
Hu fa’na’an si Makåhna “Cinnabon” desde eståba mapotge’ yu’ yan gaige gui’ gi halom i tiyan-hu.
Gof apropositu este sa’ kada mes maloloffan mås kiñute yan guaiyayon yan mångnge’ña yan mamesña gui’. Ya didide’ aridondoña i fasu-ña.
Gosa este mamamaila’ na litråtu siha put i dukumento-ku i lina’lå’-ña si Makåhna. Sa’ siempre otro na biåhi na bai hu update hamyo, siempre esta mamomokkat gui’! Ai adai!
