Gi i ma’pos na finakpon simåna gaige yu’ gi un kompetasion, i na’ån-ña “Fishbowl.”
Este kalang un “trivia contest” lao todu i finaisen siha put “marine biology.”
Guaha dos na Teams para JFK, i inetnon-hu i na’ån-ña Gådao (grouper).
Todu i na’an siha para i gurupu siha, nå’an guihan pat otro kosas tåsi.
sumaonao yu’ gi este buente tres meses tåtte lao tumutuhon yu’ umestutudia buente dos meses tåtte ha’.
Lao I problema na todu i otro na taotao ti ma tutuhon trabiha!
Pues guahu ha’ muna’lilistun maisa yu’!
Guaha kuattro otro na taotao gi inetnon-hu, yan ma sipara todu i infotmasion kosaki siña in hasso yan dimimoria todu.
Siña sen mappot este sa’ guaha påtte siha bulalala tiningo’. Ti siña uno na taotao humasso todudu.
Yan guaha na biahi lokkue’ taisensia i infotmasion gi halom i study guide. Hinasso-ku “ti siña mangånna ham” sa’ tåya otro giya hami listo para i inachaigi.
Lao dos simånas åntes di i inachaigi, i otro na taotao put fin ma estudia i infotmasion.
Mano’gue ham meggai na prinaktika yan miteng siha put este.
Didide’ netbesu yu’ sa manggånna JFK gi ma’pos na såkkan yan malago’ i ma’estra-ku manggånna ta’lo.
Put fin, måtto i diha yan didide’ netbesu yu’.
Lao gi minagåhet, mas na’magof kinu i hinasso-ku.
Sa’ ya-hu i taotao gi iyo-ku team pues mañalek ham meggai.
Didide na’mase sa hami i mas a’gang gi entre todu i teams.
Lao na’magof na ekspirensia ha’, yan siempre bai hu saonao ta’lo gi otro såkkan.
