Esta maloffan i ora ni’ mafañågu si Makåhna!
Dipotsi na bei mañagu gi Måyu 26. Lao sen takhilo’ i hagå’-hu (high blood pressure) ya i mediku ha tågo’ yu’ na bei hånao gi Guam Memorial Hospital ensigidas ya para u ma induce yu’.
Gof åpmam este na process. Manegga’ ham na’ma’å’ñao na mubi sa’ puede pau ayuda i chinaddek-ña i minañågu.
Despues siette pat ocho na oras mañågu yu’ gi egga’an, i mas bonito yan aridando na cinnabon. Mafañågu si Makåhna gi Måyu 5, 2023 gi alas 6:18 gi egga’an.
Si Makåhna Tumaiguini Perez Bevacqua. 6lbs 11oz, 19 inches i mineddong-ña.
Umasodda’ siha yan si Lulai. Si Lulai ha gof guaiyaya si Makåhna. Lao guaha na biåhi humohosguan si Lulai an malago’ gui’ na si Miget yan guahu para bei in gof åtetende gui’.
Mames Makåhna, muna’gåtbo este lina’lå’-måmi nu hågu, neni. Sen kiñute yan dikike’ yan mångnge’ hao. Siempre bei kånno’ i patas-mu.
