Håfa adai todos hamyo’!
Pa’go, hu kahulo’gue’ gi miacho’ na sabana giya Kanto, lao ti hu tungo’ i na’an-ña. Si otro na profesor siha ma sangani yo’ pot tres na Pokemon siha gi sabana, i tres guaha iyon-ñiha guinafi’ gi dadalok-ñiha siha. Para unu na Pokemon gi familia este, lokkue’ i mas dangkulo’ ginen i tres, guaha dos na pappa-ña. Kalan riulong (dragon) i saina, lao hun “ti riulong gue’ si Pokemon este”.
Ah! Sen maipe’ i aire guini! Kalan tano’ ginen i Atdao, taihanom gi aire lokkue’. Ti siña hu hagong sa’ i aire kalan guinafi’. Meggai acho’ guini, yan un ratu…
Biba! Hu li’e i tres ginen i familia este! Para bai hu tuge’ gi lepblo-ku i familian Pokemon siha:
4. Hili’nenafi’ (g.f.Ing. “Charmander, ginen “hilitai” yan “nene”)
Linekka’: 0.6 m
Libra (SI): 8.5 kg
Klasen Unu: Guafi’
Abilidåt Unu: Lalalakumason (Blaze)
Abilidåt Sekreto: Minetgot Somnak (Solar Power)
Malago’-ña maipe’ na lugat siha. Annai mauchan, asu hanom hun u’os ginen i puntan dadalak-ña. Siña un hungok i sonida annai masonge’ i guafi’ gi puntan dadalak-ña. Hun un hungok gue’ maisa famatkilu na lugat siha. Kada nene’ guaha iyon-ñiha guagua’guafi na dadalok siha. Lao, sa’ ti un tungo’ pot guafi masonge’ maisa siha yan guafen-ñiha. I guafi’ kalan minetgot as espiritun Hili’nenafi’. Anggen mayaye’ gue’, ti metgot i guafi’-ña. Lokkue’, siña un tungo’ pot siniente’ siha as Pokémon este ginen guafi’-ña. Anggen magof gue’, dansa’ i guafi’-ña, lao lalalakumason i guafi’-ña anggen lalalo’ gue’.
5. Hili’sotafi’ (g.f.Ing. “Charmeleon”, ginen “hilitai” yan “sotteru”)
Linekka’: 1.1 m
Libra (SI): 19 kg
Klasen Unu: Guafi’
Abilidåt Unu: Lalalakumason (Blaze)
Abilidåt Sekreto: Minetgot Somnak (Solar Power)
Annai mayengyong i petnen dadalak-ña, madalai i minaipe’ gi aire kalan i minaipe’ ha’ani. Meggai minimu ma na’håguinafi’ si Pokemon este. Annai håguinafi’ si Pokemon este, siña ha to’la’ asut-åpaka’ na guinafi siha. Hun dåddao gue’. Ha håtme otro siha yan kadidok na papakes-ña, ti basta gue’ asta ki mapedde i enemigu siha. Sen dåddao gue, ke sesso’ espiha otro enemigu siha. Ha matrankilo annai ha ganna i minimu. Gi baranka sabana mañaga’ Hili’sotafi’ siha, kalan estreya i potnen dadalak-ñiha siha gi puengi.
6. Hili’taiafi’ (g.f.Ing. “Charizard”, ginen “hilitai” yan “guafi'”)
Linekka’: 1.7 m
Libra (SI): 90.5 kg
Klasen Unu: Guafi’
Klasen Dos: Gumugupu
Abilidåt Unu: Lalalakumason (Blaze)
Abilidåt Sekreto: Minetgot Somnak (Solar Power)
Tumo’la gue’ guinafi’ hun siña mandiliti boruda (boulder) siha. In tingo’ sesso’ guafi’en halomtano’, lao aksidente ayu’. Anggen to’la’la’la’sen maipe na guinafi’, i aga’ga’ gi dadalok-ña lamalak yan lafuetsa. I guinafen hinagong siña sen maipe na minaipe. Siña Ha chaddek diliti aisaddokdok (glacier) siha kalan 10,000 tinilada. Yanggen Hilitai’afi’ ma’aggodai, hun i guinafi’ gi dadalok-ña hadangkulo’ yan in li’e’ i asut-apaka’ na kulot. Anggen ha ha’hagong maipe na ginafi siha, siña ha diliti hafa siha. I hinagong-ña i mas tadong na piniti para i enemigun-ña siha. Ha usa i dos na pappa-ña gumupu gi mas takhilo’ na mapagahes siha. Gumupu gue’ gi langet sa’ ha espia para metgot na enemigu siha. Ti siña ha to’la i guinafen hinagong para i enemigu siha annai i minetot-ñiha siha menos ki gue’. I dos na pappa siha siña ma konne otro Pokemon siha gi langet kalan mas takhilo’ 1,400 m. Hun i giuinafen hinagong as Hilitai’afi sen lamaipe’ annai ha eksperiensia meggai makkat na minimu siha.
