Biba Mes Chamoru!
Ma’pos na sakkan, gi Mes Chamoru, hu fa’tinas nengkanno’ Chamoru kada diha.
Mina’tres na nengkanno hu fa’tinas i titiyas mai’es.
Gaige titiyas mai’es todu tiempo, kada diha anggen patgon yu’. Maseha manu gaige yu’, gi gima, gi fiesta, gi eskuela, gi gima Yu’os, kulan guaha titiyas mai’es.
Ti gof ya-hu i titiyas mai’es. Hu hahasso i titiyas i nengkanno’ saina. Ma kanno’ i titiyas mai’es yan i kelaguen, aflitun guihan, pat tinala’ katne. Ti hu li’e famagu’on na ma kakanno’ i titiya mai’es. Ti mames yan gof ångglo’ i titiyas mai’es.
Lao anggen dumankolo yu’, ya-hu i titiyas mai’es yan i spam yan hu totche yan i fina’denne’.
Ti meggai na nisisita para fa’tinas.
Masa arina yan hanom.
Yalaka’ todu yan fa’tinas dikike’ na bola siha ni yinalaka’. Pues hinañas i bola siha yan pega gi la’uyan manaflitu.
Siña kanno’ i titiyas yan todu i nengkanno’ Chamoru.
