Biba Mes Chamoru!
Ma’pos na sakkan, gi Mes Chamoru, hu fa’tinas nengkanno’ Chamoru kada diha.
Fine’nana na nengkanno hu fa’tinas, i tinaktak.
Guaha lechen niyok, frioles yan katne gi tinaktak.
Siña na’ye siboyas, donne’, lemon, yan otro siha anggen ya-mu i sabot-ña.
Hu chagi tinaktak anggen dumankolo yu’. Lao hu hahasso gi enao na tiempo na i tinaktak nengkanno para i manamko. Pues ti gof ya-hu.
Lao pago amko yu’, gof ya-hu i tinaktak.
Kada biahi na chumocho yu’ tinaktak yan hu huchom i mata-hu, siña hu hungok i saina-hu yan hu nginge’ i fa’tinas siha gi halom i kosina gi gima-hu giya Inalahan. Mannge’ i sabot-ña i tinaktak.
