Guini giya Alaska bula “Pacific Islander” na taotao. Ti ma komprendi ni pumalu na taotao i isla … put hafa na rason na man benensi i taotao i man maipi na tånu para u ma transferi siha para i gof manengheng na tanu. Yangin sina hu na daña ta hu tufung kuåntu na taotao Polynesia, Melanesia, Micronesia, Hawaii, Phillippines yan islan Marianas… buenti man megainia hit kino perfectu Native Alaskans.
Gi dia tres gi Juliu man daña lamegai na taotao i islas marianas ni man mañåsaga giya Alaska para en silebra i bunitu na tiempon somlak! I Chamoru siha ni man mañasaga gi Matsu Valley yan i taotao Anchorage yan Eagle River mas man hihut pues eyu mas siha mañaonao gi silebrasion.
Lamegai na lugåt giya Alaska man lachagu…guaha 3-8 oras na distansia para ma suguni para en fan daña, pues eyi man lachagu ti man anuk. Lo maulek ha i dinaña mami. Bula guini nengkanu ni ta sosoda gi fiestan maseha manu gi Mariånas… lo taya adai lechon! Ti todu man anuk lo bai en chagi ha ta’lu chomogui mas na dinaña. Taigui guini na dia i man dadandan na taotao para u mana mas kabales i ha’ani… lo satisfechu ha ham nu i ma dådandan la a’gang na dåndan chamoru siha. Mañaonao lokui palu na taotao ni man bakasiosion ginen i isla.
Si Yu’us ma’asi ni finatoiguin miyu guini na silebrasion i tiempon somlak! Magof hit man daña ya ta ketungu mas na taotao siha ginen i islåta! Biba Chamoru!
