Bahinan Sette yan i mit pi’e na sabåna siha ni’ gaige gi tatte i Bahinan Sette påtte este Plåset Uriyan Tåsi Tirituriåt Guåhan. Put i fotmasion siha gi acho’ ha nanå’i abisu put i uriyinåt botkon gi sanhaya Guåhan yan ma konsidedera na’magof na lugåt.
I acho’ atilik gaige gi sampapa’ yan i lagon i fotmasion alunan. Este i dinga’ na sabåna gi papa’ i acho’ yan gi sanlagu este i acho’ åttelong pat ‘Black Rock’ i hempl siha ni’ finotman i måpta boktan ni’ mama’alun gi halom hånom duranten i antigon na minapta’ i botkan. Gi sanlagu na destansia gaige i island Dåno’ pat “Cocos” gi hiyong Malesso’ ha’.
Hagas mañåga i ManChamoru guini gi kanton tåsi, buente 3,000 åños na tiempo. Ibidensia i acho’ latte yan manmayamak nå’yan siha. Manmama’tinas despues di i Españot sesteman chålan ni’ dinalalaki este na uriyan tåsi desde sanhaya Hagåtña asta Bahinan Sette asta Humåtak.
Mantinatåmpe i ladera siha chå’guan, sabånat sabånan trongkon niyok manotohge yan halomtåno’ ni’ tumatåmpe’/nina’a’atok i Pineddong Hånom kaskadan Sette. Humålom esta i Bahinan Sette gi Rihestråt Lugåt Hestorikåt Nasiunåt yan Guåhan siha.
