Okupasio’n i Hapones WWII gera: ile’k-na i parentes-hu
Ti’tuge’: Lupe Taitano Pangelinan Szymanski
Parentes-hu: Si Tomas Taitano Pangelinan jan si Mary Lujan Charfauros Sanchez (uma’ sagua siha i dos). Si Tomas, che’luu jan si Maria, kunada.
Introdusio’n
Gi 7 Decembre 1941, i militat Hapones manman bomba ‘Pearl Harbor’ ja ti pumara guihi. Ti malago’ i miltat Hapones para u ke’chule’ mas teritoria gi ‘Southeast Asia’ jan i ‘Pacific Rim’. Pues i milita’t Hapones malago para u ha chule’ Guahan gi Americano.
Este na estoria put i parienthes-hu annai man hoben sina sinco anos annai matutuhon I gera jan sina ocho anos annai monhayan i gera.
Estoria
Gi 10 Decembre 1941, manhalom I milita’t Hapones gi ‘Dungcas Beach, ge’lagu Hagatna, jan Tumon, Malesso jan Talofolo. Guihi na duranten gera, guaha cinco mit kinientos mas milita’t gi “Japanese South Seas Detached Force”. I gobetno milit’at ‘Captain George McMillin’ ha komprende na mas milit’at Hapones annai ha kompara i dikiki na milit’at Americano giya Guahan. Ha hahasao i megai na Chamoru’s guaha mas gi biente mit ni man ‘American nationals’. Pues ha enkatga I milit’at para u halang. Desde ejo, i milita’t Americano mana’t presuneru gi Hapon.
Gof baba i tiempo para i Chamoru annai i Hapones ha okup’ao Guahan. Guaha siha Chamoru taotao Saipan ni manmato para Guahan para u konsoladot i miita’t Hapones. Ma’agang siha ‘Taicho’s’. I taicho’s para u assiste i milita’t Hapones para u chule’ ne’nkanno’ jan probensio’n gi Chamoru taotao Guahan. I taicho’s sesso na a kastiga I taotao siha yanggen ti manmalago’ man na’i i trastes niha. Ma chogue este i Taicho’s asta ki man matto i Americano gi 10 Agusto 1944 ja machule’ tatte Guahan.
I tatan Tomas jan i behu (guello) man lanchero. Dos lancho guaha gi hafa pago ‘Radio Barrigada’ jan i ‘Guam Golf Course’. I sanhilo’ na lancho edda’ agaga’ jan i sanpapa’ na lancho edda’ a’tilong. Guaha siha babui, guaka, mannok, fioles, mega klasi’n tumates, chandia, melon, mai’es, etc. gi todo dos na lancho. Bula tronkon haju gi lancho. Manmanahe i bisinu haju jan i bisinu ha nahe’ si tata jan si bihu fektos jan probensi’on.
I familia-na si Mary guigue gija Malesso, gof dankolo lancho’n niha. Parehu na klasi’n ga’ga’ jan gollai taiguihi si tata jan i behu. Siha lokkue’ man fektos jan probensi’on jan lancho’n bisinu’n niha.
An guaha guera mega na man tai’ase’ taotao siha. Bula man matai, bula man chetnudan, jan bula man triste. I manla’la’la, manmachu’le’ todo i trastes niha.
I familia’n Tomas ti man ma na’lamen, lao man gof triste sa ma tungo’ na guaha siha hoben na famalao’an gi songsong manmausa para ‘comfort women’ gi sinadalu’n Hapones. Guaha ha’ ma usa i famalao’an para une simana pat dos simana despues ma bira siha tate’ gi familia’n niha.
Tai’ja’ palabra sina un sangan para gof susto i famalao’an ni hafa u ma uma’sodda’ ni sindalu’n Hapones. I la’la’lan niha i famalao’an gof minappot mona put hafa i ma’chottgue’an niha ni sindalu’n Happones.
Si Mary, uno na che’luna lahi matai gi guinaddok ja i tata-na kanat matai lokkue. Gi Malesso, i sindalu’n Hapones ha i nenkatga i taotao gi songsong para u guaddok i tano. Despues i sindalu’n Hapones ha bayineta i lalahe’ siha gi songsong. Megai man maitai lao i tatan Mary ti matai sa masson papa jan u pritende na matai gui. Annai manhano i sindalu’n Hapones ma konne’ si tatan Mary para ‘makeshift’ na espita’t ja sumaga sina buente seis meses esta homlo gui.
Gi 21 Julio 1944, manmato i Americano para u ke’chule’ tate Guahan. Manhalom ge’ haja kanton tasi, ge’ haja kanton taisi, jun ge’ sanlagu kanton tasi, ge’ Asan, Fonte Ridge, Orote Peninsula, Tumon Bay, Ritidian Point, etc. Bibu manmato ginen i tano, aire, jan i tasi. Mas mega siha kasi dies mit na sindalu’. Ti megai na sindalu’n Hapones giya Guahan guihe na tiempo. Biente dias de manmumu pues gi 10 Augusto 1944, i Americano ha chule’ tate Guahan.
