Mås ki 3,000 åños di ma sagåyi Tangissan nu i Chamoru. I rikesan i tano’ yan i tasi muna’fanlå’la’ i taotao. Abondansia i guinahan i isla esta mannahong mansinapotte i familian San Nicolas ni’ fumå’titinas i sine’so’ åntes di i Geran Mundo II. I na’an Tanguissan ginen i guihan ni’ ma gof guaiya nu i mannatibu na peskådot.
Despues di i Geran Mundo II i “US Navy” mumaneha i plasa ya ma fa’na’an “NCS Beach.” Pues gi 1960 ma håtsa i Tangguisan na fakterihan Ilektrisidåt. Gi 1980 machule’ tåtte’ i plasa nu i Gubetnamenton Guåhan ya ma fa’na’an ta’lo Tangissan.
Sagan meggai na paluman yan gekpon Guåhan este na lugåt, tåtkumu i fanihi, i payesyes, i yayaguak yan i ke’ko’. Lao meggai esta manmalingu osino mampinino’ ni’ kulepbla gi halomtåno’.
