I tanota sinen i lenguahita…
kalan un tånu sinen Anti…
Un dia ume’ega yan ume’ekunguk yu put linguåhin otru na tånu siha anai hu fakcha’i un bideon lenguahin italiano ya hu hunguk esti na sinangan gi linguahin niha ya dispues gi finu Englis…
”A country without a language; is like a country without a soul.”
I pinilå-hu nu ayu gi lenguahita humuyung taiguini …
“I tanota sinen i lenguahita, kalan un tånu sinen Anti.”
Gigun hu tugi ayu…kalan ginen i mas ya’tåtati gi titanos hu huhunguk “Guaifi Kulu! Fanogi Chamoru!”
Magahet na ti gof dangkulu i tanota achuka mana daña todu i islas Mariånas …
Yangin un bisita maseha manu entri i Mariånas pågu na tiempu, kalan gua mås taotao otru na nasion, påt tanu gi tanota, kino perfektu Chamoru (fanan taya esta perfekto) påt maseha mestisun Chamoru…
Ya sen håssan na un hunguk i lenguahita maseha malak manu hao. Kalan ni na tristi yu nu esti na hinasu…
Pues put fabot, hu fa’faisen hamyu ni manamoru maseha dididididi ha gi hagå miyu, chagi umusa i lenguahita maseha manu para maseha hafa!
