Biba Mes Chamoru!
Ma’pos na sakkan, gi Mes Chamoru, hu fa’tinas nengkanno’ Chamoru kada diha.
Mina’singko na nengkanno’ hu fa’tinas i gollai appan suni.
Hu hahasso na buente gof Chamorururu hao anggen kakanno’ este na nengkanno’.
Anggen patgon yu’ kulan espesiat na nengkanno’ i gollai appan suni. Ti sesso hu li’e i nengkanno’ gi gima pat i fiesta siha. Anggen dumangkolo, hu hasso na gof mannge’ anggen kanno’ yan i hineksa yan finadenne. Lao hu hasso na i manamko ma sangan na buente ti gof maolek para i tataotao-mami sa’ bula cholesterol.
Hu chule i suni yan i lechen niyok. Hu lassas yan chachak i suni pues hu na’lagu gi la’uya yan i lechen niyok.
Pues hu gosa i gollai appan suni. Gof mannge’!
