Seremonias Åmot Gi Unibetsidåt Guåhan

Ma’pos na mes gi Disiembre guaha seremonias put i klas åmot ni’ hu atende para i semester. Mansilebra ham i finakpo’ put i sakkan ya i nuebu na prugraman åmot gi Unibetsidåt Guåhan.

Ma baba i inetnon para i pupbliku. Guaha fina’nu’i put i tinanom åmot ni’ in dedekko’ gi giman-mami siha. Guaha muestran åmot siña mañagi todu ni’ manåtende.

I suheto put i dinanña’ “tronkon niyok.” Guaha meggai sinetbe’ siha put i tronkon niyok. Para mamfok, higai, nengkånno’ ya para en na’setbe ni’ åmot lokkue’.

Mama Lou – Yo’åmte, Maestra, Taotao Luta, ya Guahu
Si Alejandra yan i tinanom-ña siha. Dose años gui’, i lahoben estudiante gi klas-måmi. Eståba apprentice gui’ para i yo’åmte si Mama Chai. Ha kontitinua i tinigo’-ña put åmot.

Mamanå’i ham settifikun sinaonao put este pilot na prugrama.

Manestudiantan Åmot

Esta matutuhon i nuebu na klas åmot para i fañomakan na semester. Nina’a’apurao yu’ sa’ malago’ yu’ kumeketungo’ mås put åmot nåtibu ya i kustumbren yo’åmte.

Related Posts

Leave a Reply

Your email address will not be published. Required fields are marked *