I fiestan San Jose gi 19 Matso.

Estague i estoria as San Jose, tinige’ as San Mateo.

Y Ybangelio Según San Mateo

Capitulo 1

16 Si Jacob jalilis si José, asaguan Maria, na finañago si Jesus na mafanaan si Cristo.

17 Enao mina todo y generasion desde as Abraham asta as David, catotse sija na generasion; ya desde as David asta manmacone guiya Babilonia, catotse na generasion; ya desde qui manmacone guiya Babilonia asta as Cristo, catotse na generasion.

18 ¶ Y mafañagon Jesucristo taegüine: Y nanaña as Maria, nobian José, antes de ujadaña, güiya esta masoda mapotgue pot y Espiritu Santo.

19 Ya si José asaguaña, sa mauleg na taotao, ti malago pinelo güe gui ninamamajlao, lao malagoña upinelo güe gui secreto.

20 Ya anae jajajaso este, mato para güiya y angjet Señot, anae jagüife gui minaegoña, na ilegña: José, lajin David, chamo maañao na unresibe si Maria asaguamo, sa y gaegue guiya güiya y linilis Espiritu Santo.

21 Ya ufañago un laje ya ufanaan si Jesus; sa güiya unafanlibre y taotaoña nu y isaoñija.

22 Todo sija masusede para umacumple y esta jasangan y Señot pot y profeta, ni ilegña:

23 Estagüe, un vitgen na umapotgue, ya ufañago un laje ya ufanaan si Emanuel, na comoqueilegña na si Yuus gaegue guiya jita.

24 Anae magmata si José gui minaegoña, jafatinas taegüije y tinago y angjet, ya jaresibe y asaguaña.

25 Ya ti matungo asta qui mañago ni lajiña finenana; ya nae y naanña si Jesus.

Anggen patgon yu’

Anggen patgon yu’, sumasaga yu’ giya Inalahan. Hu hasso i fiestan San Jose kada sakkan gi 19 Matso. Hu ayuda i tata-hu yan otro taotao siha yan na gasgas i sanhiyong and sanhalom gi gima Yu’os yan penta i sanhiyong.

Sa’ meggai na taotao tumano’ na bisita yan atende i misan San Jose gi gima Yu’os giya Inalahan.

Estague i kantan San Jose gi Gima Yu’os San Jose. I kanta, San Jose Patronon mame

YouTube player

I Gima Yu’os San Jose giya Inalahan. Biba San Jose! Biba Inalahan! Biba Mes Chamoru!

Related Posts

Leave a Reply

Your email address will not be published. Required fields are marked *