Hineksa’ i Lina’la’

Anggen patgon yu’, dumångkolo yu’, kumolehu yu’, umasagua yu’ yan tutuhon i familia-ku gaige i hineksa’.  Esta dumångkolo i patgon-hu siha yan tumungo’ siha na fa’tinas hineksa’ lokkue.

Guaha taotao na sangan na buente ma chule magi i pugas yan i hineksa’ i fine’nina na taotao tano anggen matto giya Guahan yan i Marianas.

Anggen minagahet enao, apman na tiempo i hineksa’ giya Guahan.

Hineksa’ i lina’la’.

I egga’an para i puenge gaige i hineksa’.

Siña kanno’ hineksa’ gi egga’an yan i aflitun hineksa’.

Siña kanno’ hineksa’ gi talo’ani yan i spam.

Siña kanno’ hineksa’ gi puenge yan i katdiyun guihan.

Guaha fa’tinas mames para i hineksa’, i alaguan yan i champulådu.

Guaha hineksa’ gi lisayu yan i fiesta.

Guaha hineksa’ gi tenda, gi che’cho’, gi eskuela yan gi batkon aire.

Guaha todu klasen hineksa’ gi sanlagu.

Guahu otro hineksa’ agaga’ gi sanlagu. Lao mau’sa tomates para i kolut.

Guaha hineksa’ amariyu, mau’sa saffron para i kolut.

Guaha hineksa asut; hineksa maga’lahi; guaha pugas espesiat na kulot asut.

Guaha hineksa’ åtilong. Guaha pugas attelong na guagualu i taotao sanlagu. Guaha fa’tinas fina’mames hineksa’ åtilong.

Maseha bunito i ha’ane pot uchan gaige i hineksa’.

Hafa na klasen hineksa ya-mu?