(Every week or so the Guam Museum will be sharing something in the CHamoru language about our history, culture and folklore. This week we are sharing some of the history and symbolism behind the Guam flag and the Guam seal.)
Yanggen hita, i taotao Guåhan, ta atan i banderan i tano’-ta, yan i seyon Guåhan ni’ uma’annok guihi, ti ayu ha’ ta lili’e’, i boniton pinenta gi un pidåson magågu ni’ asut. Lao mafåtto lokkue’ este siha i takhilo’ na hinasson gefpågo.
Hacha: I trongkon niyok ha na’a’annok animu, minetgot yan komodu. Este i lina’la’ trongko para todu i Taotagues Pasifiku. I bandera ha na’klåklaru i bali-ña para i taotao yan i tano’.
I magåhet na tronkon niyok ni’ ma usa para u ma penta i trongko ni’ gaige gi litratu ti tinemba ni’ i dangkolon pakyon Hulio 5 yan 6, gi 1918.
Sigi ha’ ayu na trongko di manokcha’ yan gumai setbe.
Hugua: I sakman ha represesenta minatatnga, minenhalom yan prinaktiku gi para i minaolek na lina’-la’.
I fine’nana na bisita ginen Europia ma tutuna i minaolek ma’usa-ña yan mafa’ tinas-na este siha na såhyan tåsi.
Tulu: Gi meggaiña na klasen banderå-ta gi på’go na tiempo, I Puntan Dos Amantes tumotohge put dinichosu gi todu i minaolek.
Ga ‘on’-ñiha i dos umaguaiya na u måtai ki u ma na’ asagua yan otro ni’ ti ma guaiya.
Lao gi i mås antigu na klasi, i kantit ni’ uma’annok mismo Litekyan.
Fatfat: I acho’ atupat ha represesenta pruteksion yan siningon gi gobietnon-niha.
Gi bulan sakkan siha este ha’ atmas i Chamorro para u fampeska pat para u fanggera kontra i paken i estrangheru siha.
