Este un poema ni’ hu tuge’ put i guinaiyå-ku si Miget para Ha’ånen Guinaiya. Sesso gof tinane’ ham kada diha gi lina’lån- mami. Guiya gi che’cho’-ña ya guahu hu pupulan i nenen-måmi. Lao todu tiempo in chachagi umafa’nu’i ham taimanu umaguaiyaya ham gi dikike’ na modu siha. Achokka’ esta humihami para noskuåntos na såkkan siha, dumodokko’ i guinaiyå-ku para guiya taifinakpo’.
Na’liston mamaisa hao para i kesu.
Bobongbong i dos na korason-ta
Uno hinagong-ta na’dadaña’ gi todu i tinåhddong na kulot siha lila, kåhet yan asut
Hu hohoggue hao gi kannai-hu asta ki i minaipe-mu ha sosongge gi sanpapa’ i lassas-hu
Asti ki todu i pidåsu-hu siha muna’omlat yan muna’enamorao nu hågu
Nina’hahasso yu’
Mafa’tinåsi hao nu guahu
Mafa’tinåsi yu’ nu hågu
Gi este hilo’ tåno’
Yan i otro mamamaila’
