(Each week the Guam Museum will post something new in our native language, sharing the history of Guam. This week we’ll learn about a memorial site in the village of Humåtak.)
Este na plaset put i mimuriåt i sitentai kuåttro (74) na lalåhen Chamoru ni’ manmåtai gi Geran Vietnam, tres buettas mås ki rigulåt na nasiunåt.
Kana’ ha’ kuåttro mit na manhobensiton Guåhan manmanñetbe giya Vietnam, ya manmangånna mås ki otdenariu na tinakhilo’ milåya para i båtbaron-ñiha yan i chetnudan-ñiha ginen i gera. Manmanñetde i taotao isla gi Pasifiku este komo ginen i minalago’-ñiha dumadanña’ yan dångkolo’ na patriotiku gi hålom i Geran Amerikånu siha. Meggaiña ti mansiudadånon Estådos Unidos gi manmafañagon-ñiha, deskenasion para i taotao Guåhan ginen i ‘Organic Act’ gi mit nuebi sientos sengkuenta (1950).
Gof impottånte na påtte humugando-ña Guåhan lokkue’ gi enteru manera gi Geran Vietnam put ha na’guaha sagan manåmte para i manatdet na manchetnudan; manñetbe komo fondon manatåka para i batkonaire bomban tåno’; un sagan manarekla para mås ki siento mit na mannailiheng gi finakpo’ i pineddong Saigon gi mit nuebi sientos sitentai singko (1975); annai mantinaka’ i fine’nina na tåno’ Estådos Unidos nu i batkonaire siha ni’ sigi ha’ manmo’na yan tåtte para i tataotao manmåtai siha nu i manmalingon i aksion gera; yan komo put sagan dumeskånsa yan hinemlo’ na lugåt.
Ma arekla este nap last ginen Inetnon Famalao’an Guåhan gi mit nuebi sientos sitentai unu (1971). Esta inadåpta nu i Bettorånon Vietnam i Amerikånu, Kapitulon Guåhan numero sais-sais ocho yan i Asusiasion Manritirao i Tropon Estådos Unidos giya Guåhan.
Ma go’go’te un espesiåt na misa guini na lugåt gi kada Ha’ånen Mimuriåt. I manatattiyi na Lalåhen Manñetben Militt ma apåsi Mas Takhilo’ na Sakrafisio giya Vietnam.
