Fa’tinas as si Gov Guam, DOE gi 1974.
Antetes na tiempo, miyon na sakkan tatte, annai gogof nuebo ha’ i tano’, esta gaige i memmo’. Gof tomtom este na paharu, dankolo, bunitu, yan gof atalak.
Guihi lokkue’ mismo na timpo gaige i fanihi. Ti taiquihi que’ i memmo’. I pilu-ña ti umachule’ yan i pilon i memmo’. I mata-ña umachule’ yan i matan cha’ka. Pulon kadada’ quaha gi tataotao-ña, ya atilong a lassas i pappa-ña. Yanggen ti gu- mugupu, uma’akalaye’ que’ gi ramas tronkon havu ya tumalak papapa’ i ilu-ña.
Hihot i sagan-ñiha i dos gi lanchon taotao. memmo’ gima’-ña i maddok qi tronkon hayu. I fanihi taya’ propio gima’-ña, lao uma’kalaye’ ha’ qi tronkon hayu.
Kada dia umasodda’ ¡ memmo’ yan i fanihi. Umamigu i dos pot fin.
Un dia i memmo’ ha kombida i fanihi para u siha manaligao na’-ñiha.
Kumomfotme i fanihi. Gumupu i dos esta i sumen taddong na halomtano’ ya ha sodda’ un tronko na mampos meppa’ ya manmasa i tinekcha’-ña. Bula lokkue’ manyommok na ulo’ quihi na tronko.
Achamagof yan achasatisfecho i dos sa’ i fanihi ayu ya-ña i fruta, i memmo’ ayu ya-ña i ilo’.
Despues di chumocho i dos, dumeskansanñaihon qi nihong i tronkon hayu.
Pues pot i mampos minagof-Miha, gumupu i dos gof takhilo’, hulo’ gi hilo’ i mas takhilo’ na sabana, hihot gi mapagahes. Kumakanta i dos mientras gumugupu. Gof magof yan kontento i dos.
Annai esta yayas i dos, gumupu tatte para gima’-ñ Desde ki dumaña’ i dos ti uma- iha. desapatta. Sumisiha ha’ para u eboka van para u hugando.
Un dia gumupu i dos esta i chagogo’ na lugat para u fanaligao na’-ñiha. Annai tumunok i dos gi tano’, taya’ sinedda’-ñiha, taya’ tronko, taya’ nenkanno’, yan taya’ hanom.
Mampos ma’lak van mampos maipe i atdao. Esta¡ edda’ sen maipe. Taya’ tronkon hayu para nuhong.
Troson masahalom mamopoddong gi fason-hiha. Gof ñalang yan gof ma’ho i dos, lao taya’ sinedda’-niha nenkanno’ na puru ha’ to’lang yan kalabera manggaige gi figan tano’.
Pues ha tutuhon gumagao i atdao mina’ase’.
Tumalak hilo’ i dos gi atdao ya ilek-ñiha, “O, pot fabot Señot, ma’ase’ nu hami. Pot fabot, munga mana’mampos ma’lak yan maipe hao. “
“Hekkua’, ti siña hu ayuda hamyo,” ilek-ña i atdao. “Hagas ha’ che’cho’-hu este i manina todu i tiempo gi anglo’ na tano.”
O Takhilo’ na Atdao, ma’ase’ nu hami. Ti apmam ham matai, ” manggagagao i memmo!.
“Ayuda, pot fabot,” manggagagao lokkue i fanihi.
Taya’ bida-ña i atdao na ha a’atan ha i dos. Ti apmam mangguaife i manglo’ ya ha balle i inai ya inaridonduyi i fanihi yan i memmo’.
“Sen ti siña hu avuda hamyo. Ministet hu cho’gue i obligasion-hu, ” ilek-ña i atdao.
Ha tarabira que’ i fanihi. Ha na’finana’ i tatalo’-ña ni’ atdao, pues ha balutan gue’ ni’ pappa-ña.
Gof lalalo’ i memmo’ ni’ atdao ya sigi tuma’yok yan ha na’palappa pappa-ña. Duru gumonggong, “Tailayi hao, Atdao! Basta ki setbiente ha’ hao lokkue’.”
“I mohon va mama’ya yo’ qi fresko na mapa- gahes. Uk! Uk! Ai, ti hu langak humatsa i pappa-ku,” ilek-ña i memmo’. Gof triste i memmo’.
“‘I mohon ya matto un dankolo yan atilong na mapagahesni’ u tampe i atdao ya u na’uchan,” gumonggong i fanihi.
Ti sungunon esta i maipen i semnak. Mamai- taguan i dos. Kalan nina’baba i ilon-ñiha ni’ maipe, ya ha tutuhon pumisadiya i dos.
Ume’kahat i atdao papa’ gi kanton i tano’ gi tatten i sabana. Pues pumuenge, ya annok i pilan. Lumafresko i aire. Ilek-ñiha i dos, “Pulan, Pulan, O dankolo yan maolek na Pulan. Gof maolek yan yo’ase’ hao. Si Yu’us ma’ase’. ” Gumupu i dos hulo’ ya ha apunta guatu gi para i nuebo na sagan-ñiha.
Un pot unu mana’annok i puti’on ya ini’ina i langet. Frumesko i tano’ pues matto un freskon manglo’ ya mangguinaife i fason-ñiha.
Ti apmam matto qi un dankolo na halomtano’ ya mumagof ta’lo i dos. Manaligao i dos homhom na lugat. Annai ha sodda’ un liyang para gima’-ñiha, ha prometen maisa siha i dos na ti u ta’lo humanao huyong yanggen manana.
Desde ayu na tiempo i fanihi yan i memmo’ mafa’ha’ani i puenge ya duranten i manana maigo’ i dos q i hemhom na sagan-ñiha. Yanggen puenge manangga i pilan para u kahulo’, ya ayu nai gumupu i dos para u fanaligao na’-ñiha.
Pues kumanta i dos, “Uk! Uk! UK!” “Chet! Chet! Chet!”
