Ti åpmam guaha gupot para si Lulai put i primet na ha’ånen mafañågu-ña! Mana’apurao ham sa’ mafañågu gui’ gi Halloween. Yan siempre este un gupot cinostume yan este un Halloween na klase gupot lokkue’ yan bulalala fina’mames, kek yan kande.
Durånten este na mes gi Oktubre, mane’ekungok ham kåntan Halloween. Ti gof na’ma’å’ñao este na kånta siha. Aya para i manneni. I mas ya-ña si Lulai “Estague’ Halloween” (This is Halloween) ginen “I Chatguinife Antes di Krismas” (The Nightmare Before Christmas) na mubi. Manu’usa gui’ Halloween na klasen magågu yan neni na onsies lokkue’ para bei in silelebra i mes mafañågu-ña.
Buente bei minagågu gui’ komu neni halu’u’ para i gipot-ña. Ta li’e’.
