“Håfa Maimaila”
Hu hungok i månglo. Ha chochonnek i haggon niyok.
Kulang man makanåyi i ha’åni på’go. Ti hu tungo håfa maimaila.
Hu li’e i mapagåhes, homhom yan chaddek gumugupu gi långet.
Kulang man makanåyi i ha’åni på’go. Ti hu tungo håfa maimaila.
Mañaina-ta munga maleffa i taotao-miyu. Hu gagagao hamyo fåtu gi fion-ta.
Kulang man makanåyi i ha’åni på’go. Ti hu tungo håfa maimaila.
Taigue i totot. Ti hu li’e gi hålom tåno. Kao ginipu siha?
Kulang man makanåyi i ha’åni på’go. Ti hu tungo håfa maimaila.
I haggan siha ti susugun gi sågua. Amånu guie? Kao aligao nenkanno’ eyu siha?
Kulang man makanåyi i ha’åni på’go. Ti hu tungo håfa maimaila.
Hu hasso ini! Hu li’e ini siha gi guinifi-hu! Linao!
Kulang man makanåyi i ha’åni på’go. Ti hu tungo håfa maimaila.
Yumengyong i tåno. Po’dung meggai niyok. Lalålu sainan-måmi Pontan.
Kulang man makanåyi i ha’åni på’go. Ti hu tungo håfa maimaila.
Hulu gi okso påpa’ hu li’e dångkulo na langat gi matingan – lao inachago’!
