Este na metkoles gi 29 Hunio 2022, para tutuhon i mina’trenta nuebi na Hafa Adai Golf Classic giya Lacey, Washington.
Kada sakkan gi uttimo na simana gi Hunio, i Hafa Adai Golf Classic na susedi. siempre guaha 144 na taotao pot mas na sumaonao gi Classic. I taotao na sumaonao i Classic ginen i Chamorro Golf Club siha nu gaige gi sanlagu yan guaha otro taotao na manbisita lokkue.
Gof ya-hu i Classic, sa’ siempre gaige i a’tungo’-hu siha, i parentes-hu siha yan siempre hu sodda’ nuebu na a’tungo. Anggen suette yu’, buente hu ga’cha’ un birdie.
Ginen i Classic, guaha mangumolf, guaha mantinunu, yan guaha mangana yan siempre guaguaha manmaolek na tiempo.
Si Sugundo “Sy” Unpingco yan i ga’chonga-ña siha mantutuhon i fine’ne’na na Classic giya San Jose, CA gi 1982 na sakkan. Malago-ña si Siñot Unpingco na manmagof yan mangosa i todu na sumaonao gi Classic. Ma tutuhon i Classic para i ga’chong siha as Siñot Unpingco, yan pa’go i Classic para hita.
Guaha sais na grupon gumolf na sumaonao gi i Hafa Adai Golf Classic giya Sanlagu
Chamorro Golf Club of Northern California
Chamorro Golf Club of Washington State
Guahan Las Vegas Golf Club
Hazard Busters Golf Club giya Sacramento, CA
Para Golf Club giya Fremont, CA
Todu Fino Golf Club giya Los Angeles, CA
Un grupon gumolf ma cho’gue i Classic kada sakkan. I otro grupon gumolf siha manayuda yan mansumaonao gi Classic. Todu mangosa yan manmagof.
Dos ha’ani i Classic. I fine’ne’na na ha’ani, todu mangumolf gi egga’an, pues manunu antes munahyan gumolf. I mina’dos na ha’ani, todu mangumolf gi egga’an ta’lo, pues mandanaña gi dangkulu na gipot gi puenge. Guaha mansesena yan manbaibaila yan todu manmagof yan mangosa gi gipot.
Ti parehu i Classic kada sakkan sa’ otro na grupon gumolf ma cho’gue, yan otro na lugat para gumolf, manunu yan mangipot. Lao kada Classic, siempre guaha a’tungo’-hu, parentes-hu, familia-hu yan siempre ma sodda’ nuebu na a’tungo. Anggen suette yu’, buente hu ga’cha’ un birdie.
Hu gosa i Classic kada biahi na sumaonao yu’.
Anggen gaige hao gi Sanlagu yan ya-mu gumolf, espiha i Hafa Adai Golf Classic. Buente un gosa i Classic lokkue. Anggen suette hao, buente un ga’cha’ un birdie.
Rear (L-R): Frank Pangelinan, Tom Pangelinan, Tony Rosario, John Combado, Diego Salas, Tony Pablo, Dennis Rivera, Tony Treltas
Front (L-R): Juan Taisague, Tony Chargualaf, Marcial Sablan, Sugundo “Sy” Unpingco, Nobert Flawau, Roy Leon Guerrero, RC Combado
Manu na i grupon gumolf i Board Members gi halom i litratu gi 2006:
Chamorro Golf Club of Northern California: Tony Rosario, Marcial Sablan, Sugundo “Sy” Unpingco
Chamorro Golf Club of Washington State: Frank Pangelinan, Nobert Flawau, Roy Leon Guerrero
Hazard Busters Golf Club: Diego Salas, Tony Pablo
Latte Golf Club: Tony Chargualaf
Marianas Golfer’s Association of San Diego: Tony Treltas
Para Golf Club: Tom Pangelinan, Juan Taisague
Todu Fino Golf Club: John Combado, Dennis Rivera, RC Combado
Espiha i Hafa Adai Golf Classic gi https://www.hafaadaigolfclassic.com/
Great photo of the golfers. I know only two, Uncle SY and Juan Taisague. Miss Uncle SY and his wife Auntie Remmy.