Gi tatten i gima’-ña si Maria, guaha chålan taotaomo’na. I meggaiña gi familia-ña ma suhåyi este na lugåt sa’ mannina’massa’ siha nu i atdet na siniente guihi, lao åhe’ si Maria. Desde i dinikike’-ña esta ti mamassa’ gui’ nu ayu na klasen taotaomo’na na lugåt siha.
Fihu ha hungok i bos-ñiha, ya sesso ha espiha siha gi halomtåno’. Lao achokka’ ha hungok siha manguenguentos, tåya’ nai’ manannok nu guiya. Una na diha annai sais åños ha’ gui’, umabak gui’ ta’lo gi halomtåno’. Lumailai åpmam esta ki mamachom i atdao, ya ti siña ha li’e’ håfa gi oriyå-ña.
Mata’chong gui’ gi hinemhom, guiya na maisa. Tumåtanges mientras ha pepega i matå-ña gi kannai-ña.
Nina’manghang gui’ nu un bos ginen i hinemhom. Este na bos klåru yan a’gang, lao guaha sinientete-ña na kulang tailå’la’ gui’ lokkue’. Ilek-ña este na bos,
“Hagå-hu mungga tumånges. Atan yu’ ya chatge yu’ ya bai hu ga’chong-mu mo’na.”
Guaha påtte-ña giya Maria, gof ti malago’ gui’ mungaha’, sa’ esta ha tungo’ na este na bos ti ginen un taotao. Siempre ginen un taotaomo’na. Ilek-ña i pale’ gi gima’Yu’os i familia na mambåba i taotaomo’na. Ayu i espiriton i mambåba na Chamoron åntes. Un taotaomo’na i ma’matdisen espiritu un Chamoru ni’ umatotga humåtsa i kannai-ña kontra i Españot yan si Yu’os.
“Hagå-hu, un tungo’ na ti magåhet enao. Un tungo’ i minagahet. Maila atan yu’ ya un chatge yu’ ya Guahu i ga’chong-mu.”
Ti ha komprende si Maria, taimanu na este na bos ha tungo’ håfa hinassosso-ña, lao gigon ha hungok este, kumåtma gui’. Masotta i mina’å’ñao. Malinao gui’ på’go ya ha atan hulo’ gi i taotaomo’na.
Ti gof annok gui’ gi hinemhom, lao sen ma’lak i dos atadok-ña, kulang agaga’ na puti’on gi inattelong langhet. Chumålek didide’ sa’ achokka’ buente para si Fulana i pusision-ña gof na’ma’añao. Lao para guiya åhe’, todu gi ñamñam sumangåni gui’ na este i mismo ga’chong-ña.
“Guahu på’go i ga’chong-mu. Maila.”
Kumahulo’ si Maria, ya chinalåni gui’ nu i taotaomo’na tåtte para i tano’ i familia-ña.
Mientras mamomokkat si Maria gi i chalan taotaomo’na, ha hahasso ayu na ekspirensia. Ya kulang lulok i fino’-ña i taotaomo’na, sa’ desde ayu na diha, fihu humahami i dos.
Ya guiya debi di u kuentusi på’go åntes di pau hånao para i gima’Yu’os yan i kasamiento-ña.
