In silebra i mafañågu-ña si Makåhna gi Måyu 4. Uno åños gui’ esta! Ai i neni-hu! Esta tumåtanges yu’ put este. Pues guaha gupot suheton Geran Estreyas (Star Wars). Achokka’ mismo mafañågu gui’ gi Måyu 5. Siña in silelebra put “Cinco De Mayo.” Lao mås na’magof i modan Geran Estreyas! Nina’magof i nobio-hu si Miget put este sa’ gof gueha gui’ nu ayu na mubi, sho ya estoria siha. Ya gof kiñute si Makåhna taiguihi si Neni na Yoda (si Grogu).
Mamåhan yu’ i gatbesa siha gi interwebs. Guaha bula fina’mames ya bula na’magof. Guaha familian-måmi ya manggachong-måmi ni’ mansilebra giya hami. Ayu na ha’åni in silebra i mafañågu-ña si nanå-hu lokkue’ sa’ gof hihot i ha’ånen mafañågun-ñiha yan si Makåhna.
Gi todu, gof magof si Makåhna ya ha gof gosa i giput yan todu i regalu–ña siha ni’ ha resibi. Si Lulai ha gogosa i regalu siha lokkue’. Fihu mañåñåkke gui’.
Bonito na selebrason para si Måkahna yan lokkue para si Ms. Arlene kumu i nana ña biha si Måkahna.
Biba Kompliaños para i dos! 🎂⚘🎉🥳🎈
Si Makåhna da Hutt hehe