I hinassoso-ku put todu i protein na bars hu chagi
Gi este må’pos na såkkan hu tutuhon humanonogue i gym yan hu hasso mås put protein yan enao na klasen kosas.
Lao i prublema na ga’o-hu mås mames na nengkånno’ kinu katne.
Put este, hu tutuhon chumachagi diferentes na protein bars.
I finetnena na bar hu chagi i Banana Caramel ginen Barebell.
Hu sodda’ este gi halom i gima’ ha’ yan malago’ yu’ chumagi.
I meggaiña na biahi ti ya-hu i ti magåhet na sabot aga’.
Lao maolek ha’ este yan ya-hu na mismo guaha caramel gi sanhalom.
Ya-hu lokkue’ i sinente sa kalang didide chewy. (7/10)
I segundo na klasi hu chagi i Chocolate Dough ginen Barebell lokkue’.
Ya-hu i chukulåte na såbot lao i prublema para guahu na sessu chenglong i Bar gi i pachot-hu yan mampos mames pues hu gof nisista hånom mientres ha kakanno. (6/10)
Hu chagi lokkue’ i Barebell na Minty Chocolate.
Ti gof ya-hu såbot mint yan didide’ fotte i sabot gi este na bar para guahu.
Lao na’maggof anai un kånno’ sa’ anai un åkka’, humyong todu i mint na filling. (6/10)
Este eståba i mås ya-hu na såbot, i Cookies and Caramel ginen Barebell.
Diferentes na klasen sinente (texture) este ginen i utimo na tres sa’ guaha kalang wafers pat crunchy na påtte siha.
Ya-hu este yan ti mampos mames lokkue’. (9/10)
Yan i mås mangnge na bar hu chagi, hu chagi gi ma’pos na simana ha’.
Sa’ eståba gaige i parehu kuattro na Bars gi gym yan esta hu chagi todu.
Lao gi ma’pos na simana guaha kuattro nuebu na såbot siha yan apurao yu’ para bei chagi.
I mås ya-hu na Barebell gi på’go na momentu i Caramel Cashew na såbot.
Kalang parehu este yan i Cookies yan Caramel sa’ kana parehu i texture.
I diferensia na mås mañaña este na bar yan guaha pidason cashew siha gi este.
Ti mampopos mames lokkue’ pues gi hinasso-ku, este i mås mangnge.
Mamåhan yu dangkolo na kahitan Barebells ginen i internet lao ti hu chagi trabiha.
Despues di hu chagi todu, bei Update hamyo put i hinasso-ku.
