Nuebu na Siudåt

Brand New City
Mitski

Uno na dånderu ni’ gof ya-hu si Mitski. Gi tinige’-hu på’go bai hu sangåni hamyo mås put uno na kantå-ña “Nuebu na Siudåt” pat “Brand New City.”

Este na kånta put i triniste-ña si Mitski. I sininte-ña na kalang ti nahong gui’ kalang taotao ya esta o’son gui’ nu guiya.

Ilek-ña na i sininte-ña na kalang mayulang i taotaotao-ña. Siña este put i tintanos-ña pat i taotaotao-ña. Gi meggai na otro kånta kumuekuentos gui’ put umå’amko. Duru chathinasso si Mitski put este na problema.

Esta na’triste todu gi lina’la-ña yan tiempo humåhanao ha’ lao ha didingo gui. Ti siña ha “keep up”.

Todu i taotao ta siesiente este. Gi fino’ tatå-hu, ilek-ña para i manhoben lina’la’ “meggaiña tetehnan kinu monhåyan.” Lao para i manåmko’, “meggaiña monhåyan kinu tetehnan.”

Ilek-ña lokkue na kalang tai rason i lina’la-ña anggen ti bonito gui yan todu tiempo ha keke na’maolek maisa gui’.

Gi finakpo’ ha rialisa na ti maolek este na klasen hinasso (mismo chathinasso) yan ha ke dingo para un “nuebu na siudåt”. Kada diha ha fa’nå’gui maisa gui’ taimanu lumå’la tai este båba na hinasso.