(Every week or so the Guam Museum will be sharing something in the CHamoru language about our history, culture and folklore. This week we’ll learn about the landscape and agricultural economy of our ancestors.)
Manmacho’cho’ i mañainå-ta gi i gualo’ ya ma’usa bálas siha na fangguaddukan yan todu manmanayuyuda.
I famalao’an i prinsipåt manresponsåpble nu i guinalo’ yan manånom.
I lina’la’ ekonomihan CHamoru masodda’ gi i guinadok yan nina’gasgas na fina’hálom táno’ siha, yan kontodu i rinikohen nengkanno’ yan pumeska.
I mes siha gi fanha’aniyan manmafa’na’an kada unu konsiste gi i kondision i klema siha osino i aktebidåt siha ni’ chechetton yan kada pulan.
Pinat nette yan akgak manmandodokko’ gi sabaneta gi i islå-ta, yan gof manmachalappon gi i sanhayan Guahán.
Manmasosodda’ palu nu i etmas mandångkolo na latte gi i sabaneta pat ayu annai puru ha’ chå’guan guaha.
I kañada siha, ni’ inoriyåyayi nu i ekso’ siha annai manggaige i edda’ botkånu i etmás maolek para tinanom lemmai, tupu, chotda yan todu klasen manmámakanno’ na tubu siha.
På’go, i sabaneta siha giya Guåhan annai manasaga i karabao, binådu yan babuen halomtåno’ siha.
