(Every week or so the Guam Museum will be sharing something in the CHamoru language about our history, culture and folklore. This week as CHamorus gather in Hawai’i to represent their language and culture at the 13th Festival of Pacific Arts, we look back at the 12th Festival held in Guam, and see the lyrics for the official song FESTPAC 2016 written by Peter Onedera and sung by Benita Lizama.)
2016 FESTPAC
Liriku as si Peter R. Onedera
Finetmåyen Dåndan as Benita Mesngon Lizama
Håfa iyo-ta,
Håfa guinahå-ta,
Håfa Ta Påtte,
Dinanña’ Sunidu siha giya Pasifiku.
Gi tasi siha lugåt Pasifiku,
Manggaige todu i nasion,
Mannachu todu gi i mundo
U Hago’ i langet put rason.
Ginefsagan på’a yan kurason todu para unu
In tina finatto kurason-måmi såtton yan uniku.
Håfa iyo-ta,
Håfa guinahå-ta,
Håfa Ta Påtte,
Dinanña’ Sunidu siha giya Pasifiku.
Åtte yan dåndan un hungok gi aire
I napu kumuentos put fino’ yan kottura
inempåtte ni’ alientos.
In fa’nu’i todu mandanña’ ham
Sunidon-måmi in enra mañaina
Uniku Pasifiku entre ya-håmi.
Håfa iyo-ta,
Håfa guinahå-ta
Håfa Ta Påtte,
Dinanña’ Sunidu siha giya Pasifiku.
Tinaotao humanidå
In na’i yan in na’annok ginefpa’go.
Nu håyi ham ånti u ma hungok…
Manohge ham lågu yan håya, luchan yan kåttan
put ånimu, irensia, cho’cho’ ni’ ti chå’tan.
Håfa iyo-ta,
Håfa guinahå-ta,
Håfa Ta Påtte,
Dinanña’ Sunidu siha giya Pasifiku.
Dinanña’ Sunidu siha giya Pasifiku.
Dinanña’ Sunidu siha giya Pasifiku.
