Biba Mes Chamoru!
Ma’pos na sakkan, gi Mes Chamoru, hu fa’tinas nengkanno’ Chamoru kada diha.
Mina’dies na nengkanno’ hu fa’tinas i kådun mannok.
Hayi ti malago i kadun mannok? Anggen meggai na manñalang, i kådun mannok gof maolek para i nengkanno’-niha. Anggen dumådangkolo yu’, hu hasso anggen gaige yu’ gi i gima biha-hu, put i tiha-hu, siempre guaha kadun mannok.
Libianu para fa’tinas kadun mannok; u’sa i dangkolon lauya, chachak i mannok, na’ye gollai yan batatas yan na’lagu.
Maolek i kådun mannok anggen gof nalang, anggen mengheng pot maipe, aggen malangu pot brabu. Maseha hafa na tiempo, maolek i kådun mannok.
