(Every week or so the Guam Museum will be sharing something in the CHamoru language about our history, culture and folklore. This week we are sharing the legend of the Ko’ko’ and the Hilitai)
Åntes na tiempo, guaha un hilitai na kumåkanta.
Hongga i gatbon kati-ña esta mamåra siha i pahåru para u ekungok i kantå-ña.
Un diha, guaha un paluman chichirika ya ilek-ña “Hunggan, sen bonito i bos-mu, mames yan gefpågo, lao bonitoña i pilu-hu kinu håyi guini gi halomtåno’.”
Pues gumupu i pahåru ya ha dingu i hilitai.
Lalålo’ ni’ kuentos chichirika.
Ha aligao i hilitai i ke’ko’.
Ma disidi na kalan ma nisita mås kulot i dos.
I hilitai perfekton betde yan i ke’ko’ puru ha’ åttelong yan apå’ka.
Ha tutuhun i ke’ko’ ha penta i hilitai ya anai munhåyan, sen magof i hilitai esta duru kumånta.
Matampe på’go i lassås-ña ni lonnat amariyu.
Anai munhåyan gigon para guiya i ke’ko’ para ma penta.
Ha penta guatu i ke’ko’ noskuantos na råya pues umo’o’son ya ti ha na’funhåyan i che’cho’.
Ti ha penta i tiyån-ña trabiha i ke’ko’.
Nina’sen lalålo’ i ke’ko’ ya ha åkka’ i hila’-ña i hilitai ya dumopble.
Desde ayu, ti siña kumånta i hilitai.
